P.P. Xa non hai tempo para maís, Atrás quedan os meses de preparación, os partidos amigables e as sesións de adestramento de adaptación. Mañá sábado o Rotogal Boiro Voleibol debutará na Superliga 2021-2022 viaxando a Canarias para medirse ao Guaguas, un dos rivais máis fortes da competición e vixente campión. Os de Marcelo Benavídez non veñen na mellor forma posible, algúns xogadores están entre algodóns e os resultados tampouco acompañan. Na Copa de Galicia disputada a fin de semana pasada perderon os seus dous partidos. Pero aquí a situación é ben diferente.
Logo do cambio de directiva e da remodelación de parte do plantel, o técnico asegura ter a intención de “acabar entre os catro de arriba”. Así, mañá farán seu debut oficial, salvo última hora, Renan Levandoski, José Carlos Romero, Ismael Martínez e Gaby del Carmen. Outra das principais armas desde novo Rotogal Boiro é a aposta pola canteira, xa que de 14 xogadores que ten o plantel, 7 serán da canteira. Así, espérase que na xornada de mañá, o Boiro Voleibol mostre a súa mellor cara e sexa capaz de competirlle o encontro ao principal favorito para alzarse co título.
