O obradoiro de emprego de cociña O Pote II viviu no día de hoxe unha intensa xornada no marco das súas actividades lectivas.
Así, a primeira hora o seu alumnado tivo oportunidade de visitar a Panadería D’Muiño, sita na rúa Manuel Lustres Rivas, e a continuación asistiu na Escola Municipal de Hostalería sita no edificio do Mercado a unha charla sobre seguridade no traballo e como utilizar os medios contraincendios.
Esta última actividade estivo organizada polo GAEM en colaboración con Bombeiros de Ribeira. Impartiron a formación Javier Regueiro e Rubén Gómez por parte do grupo municipal de emerxencias e Rubén Ros polo servizo de bombeiros.
