O Concello de Porto do Son quere reforzar a recuperación e a competitividade do sector hostaleiro tralo revés da pandemia e desta vontade xorde o Curso de Inglés para Hostalería, unha actividade formativa de dez horas de duración que se vai celebrar de balde entre os días 25 e 29 de outubro, no Viveiro de Empresas Municipal.
As clases desenvolveranse en horario de 10.00 a 12.00 horas. Para podermos participar na actividade, cómpre presentar unha solicitude á conta de correo jose.pazo@portodoson.gal entre os días 14 e 20 de outubro. As prazas serán asignadas por sorteo.
