Na Pobra atropelado un neno que resultou ferido grave

Pouco antes das catro da tarde deste venres un neno resultou ferido de carácter grave ao ser atropelado cando circulaba en bicicleta no centro urbano da Pobra.

O suceso ocorreu nas inmediacións da casa de cultura Raquel Fernández Soler e no incidente viuse implicada unha furgoneta.

Ata o lugar desprazouse un amplo dispositivo de emerxencias para atender ao menor e desde o 112 mobilizouse tamén a un helicóptero. No lugar tamén acudiron ambulancia, bombeiros de Ribeira, Protección Civil da Pobra e Policía Local.

Casa Cultura A Pobra