O Concello de Lousame está a investir 25.000 euros no acondicionamento da pista polideportiva existente en Vilacoba. Unhas obras que están sendo executadas pola empresa Pavimentos Noia, obras y contratas SL e que están financiadas polo Concello de Lousame, que conta cunha achega da Vicepresidencia Primeira e Consellería de Presidencia, Xustiza e Turismo.
Nestes días procedeuse á reparación do pavimento nas zonas danadas, así como á limpeza da superficie de formigón mediante a aplicación de lanza de auga a presión. Así mesmo, a empresa adxudicataria procedeu a colocar 612 metros cadrados de peche de malla galvanizada de 4 metros de alto, incluídas portas de acceso e retirada do peche existente, que se atopa nun estado moi deficiente.
Tras a marcaxe e sinalización dos campos de balonmán, fútbol sala, baloncesto e tenis, todos eles seguindo as normas da Federación Española, nas próximas semanas procederase a colocar un xogo de 2 porterías regulamentarias de fútbol sala, os postes e a rede de tenis así como dúas canastras de aluminio.
Falece afogado un home de 80 anos na praia de Caldebarcos en Carnota
Un home de 80 anos morreu afogado na mañá deste venres na praia de Caldebarcos, no municipio coruñés de Carnota, á que acudira para darse un baño. O falecido é veciño de Caldebarcos. O corpo da persoa falecida foi recuperado por un particular. Foi o mesmo particular...