Jorge Juncal e María Faltri levan a súa Fantasía musical á rapazada de Rianxo

05 Outubro 2021

Ao abeiro do ciclo de actividades culturais Xoves da Biblioteca e dentro do programa autonómico Ler Conta Moito, Rianxo vai acoller o vindeiro 14 de outubro (a partir das 18.00 horas) un espectáculo para cativos de partir de 4 anos destinado a estimular o interese pola música e as letras. Trátase de Fantasía musical, a cargo de Jorge Juncal e María Faltri.

As entradas son gratuítas, previa reserva de localidades no correo biblioteca@concelloderianxo.gal (preferente) ou no teléfono 667 185 581 ata as 20.00 horas do mércores 13 de outubro.

A reserva será efectiva cando se confirme dende a Biblioteca Municipal de Rianxo.

Fantasía musical é unha celebración interactiva e participativa da creatividade artística dirixida polos músicos Jorge Juncal e María Faltri, que combinan, na súa proposta, a interpretación de melodías diversas coa aparición de divertidos personaxes que, amais de mostrar ás crianzas os segredos da creación musical, estimularán o coñecemento que teñen das letras e das palabras.

Outros artigos

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...