Este venres, chegan a Boiro os “Contos de recreo” de Redrum Teatro

Este 29 de outubro, venres, a compañía Redrum Teatro vai estar en Boiro para ofrecer á rapazada o espectáculo Contos do recreo, especialmente recomendado para público infantil e familiar (crianzas de máis de catro anos). Será no auditorio da Casa da Cultura de Boiro, a partir das 20.00 horas. A capacidade será limitada e o prezo das entradas de 2,5 euros. Estarán dispoñíbeis no mesmo lugar da función a partir das 18.00 horas.

Contos do recreo é un espectáculo cualificado pola compañía de “optimista e emocionante” no que as e os integrantes de Redrum fixeron un esforzo especial para sensibilizar ás crianzas arredor da prevención do acoso escolar. Cóntanos a historia de Alicia, unha rapaza que se divirte mofándose das súas compañeiras e que no recreo previo ao exame máis importante do curso, aparece nun lugar máxico habitado por Xacobe, habitado pola estrafalaria estatua Xacobe. Para poder saír de alí e chegar ao exame, Alicia terá que resolver os enigmas e superar as probas que se agochan trala porta dos recreos pasados, presentes e futuros.