Este sábado 30 de outubro, ás 12.45 horas no Centro Social Liceo de Rianxo (andar baixo), vaise celebrar o acto de entrega de diplomas do Curso de Iniciación ao Gravado, formación enmarcada nas celebracións do centenario de Faustino Rey Romero organizadas polo Concello de Rianxo.
Para máis información poden dirixirse ao Centro Sociocultural-Auditorio de Rianxo, no teléfono 981 100 688 ou no correo electrónico cultura@concelloderianxo.gal.
O dito curso celebrouse os sábados deste mes de outubro (dende o día 9). Foi dirixido a persoas de máis de 16 anos e no seu desenvolvemento colaborou arreo o Museo do Gravado de Artes (en Ribeira).
