Esta pasada fin de semana deu comezou un novo curso do seminario Aula Galega de Saxofón, organizado dende o Conservatorio de Música Profesional de Ribeira Enrique Paisal. Esta edición, que xa fai a número catorce, trae “importantes novidades”, segundo fixo saber o Concello, que salienta (neste capítulo de cousas novas) a estrea dun novo profesor titular, Xabier Casal, músico e docente compostelán que foi alumno da Aula no inicio desta actividade e que máis tarde cursou o Grao Superior en Salamanca e ampliou os seus estudos en Bordeos (dous anos) e Colonia outros 2 nun mestrado de música de cámara dos seus compañeiros de Fukio Saxophone Ensemble. A día de hoxe, Xabier Casal combina a docencia no Conservatorio Superior das Illas Baleares con numerosos concertos por toda Europa con Fukio.
A Aula arrinca este ano con 12 alumnos e alumnas procedentes de Ribeira, distintos puntos das xeografía galega e incluso Madrid e, como habitualmente, cun Encontro mensual que se desenvolve en fin de semana.
Segundo explica o Concello, o cartel de profesorado é “do máis alto nivel”. Así, acompañará a Xabier Casal, a pianista Hilomi Sakaguchi (do Conservatorio Jaques Thibaud de Burdeos e unha das pianistas acompañantes de saxofón máis relevantes do panorama mundial), que visitará Ribeira en tres encontros coincidindo con audicións do alumnado. Será en decembro, marzo e xuño. Ademais durante a súa visita dedicará unhas horas a impartir clases maxistrais de piano.
Completan o cartel Adrián Pais, profesor do Conservatorio Superior de Música de Galicia no encontro de febreiro, Roi Barros (luthier), que impartirá unha clase de mantemento do instrumento e fará pequenos arranxos aos instrumentos do alumnado que así o precisen e, por último, en xuño, Miguel Ángel Lorente, profesor de Musikene, Centro Superior de Música do País Vasco. Toda esta actividade está organizada e coordinada polo profesor de saxofón do conservatorio de Ribeira José Fungueiriño. Neste primeiro Encontro a Aula contou coa visita de Juan Brión Santamaría, concelleira de Educación quen lle deu a benvida a Xabi Casal e deu ánimo ao alumnado para seguir traballando e formándose co novo profesor.
