Comezan as clases de piano, coro e linguaxe musical da ESMU do Son

A Escola Municipal de Música (ESMU) de Porto do Son presentou novas actividades para este curso, unha achega formativa que vén con sesións de piano, linguaxe musical e coro (con inicio fixado para este 4 de outubro), ás que se suman as clases de pandeireta (que se presentaron o 30 de setembro), as de gaita e percusión tradicional (presentadas o primeiro de outubro) e as de guitarra (presentadas o día 1 de outubro en Portosín e o 5 en Porto do Son). As inscricións, cuxa folla pode descargarse dende a web municipal, deberán entregarse na Casa da Cultura sonense.