Comeza no Son un obradoiro para estimular a memoria das persoas maiores

O Concello de Porto do Son organiza un obradoiro de envellecemento activo e hábitos saudábeis para a terceira idade. Celébrase os mércores pola mañá en Porto do Son, en dúas quendas, e máis os venres (en tres quendas: ás 9.30 na Casa da Cultura de San Pedro de Muro, ás 10.30 na de Xuño e ás 11.30 na de Caamaño).

Trátase do Taller de Memoria para Persoas Maiores, impulsado pola Concellería de Benestar Social. Darase servizo a veciñas e veciños de máis de 55 anos.

Para máis información, cómpre chamar ao teléfono 981 867 414.

As sesións dan comezo este mércores 6 de outubro.

As inscricións están abertas todo ano, e os horarios serán adaptábeis en función da demanda existente.