Benestar de Porto do Son reactiva a actividade de bailoterapia para maiores

O Concello de Porto do Son reactivou neste inicio de outono o programa local de Bailoterapia, coa que pretende achegar aos maiores do municipio unha alternativa de lecer que lles permita mellorar a súa saúde, a súa comunicación e a súa autonomía.

A actividade comeza este luns 4 de outubro e celebrarase en distintos espazos da localidade: os luns ás 18.00 horas no Polideportivo de Santa Irene en Porto do Son, os martes en Xuño (na Casa da Cultura ás 18.00 horas), os xoves en San Pedro de Muro (na Casa da Cultura tamén ás 18.00 horas).

Aqueles que precisen máis información poderán consultar a web do Concello ou chamar á Consellería de Benestar Social, organizadora da actividade, a través do teléfono 981 86 74 14.