A Policía Local de Rianxo informou dun accidente de circulación acontecido na noite deste 10 de outubro, sobre as 21.15 horas, na estrada DP7203 á altura do lugar de Té, en Taragoña. O accidente consistiu nunha colisión fronto-lateral entre dous turismos, con resultado de danos materiais e sen feridos, permanecendo a circulación no treito onde se produciu o accidente cortada parcialmente mentres non se puido retirar os vehículos con guindastre.
Un dos condutores dos vehículos implicados deu positivo na proba de alcoholemia, triplicando a taxa máxima de alcol permitida en aire expirado, e tamén se saldaron cun positivo as probas de drogas.
Están a instruír dilixencias polo accidente de circulación e por un presunto delito contra a seguridade do tráfico a Garda Civil de Tráfico do destacamento de Santiago de Compostela.
