A sanción do cribado de Rianxo non foi por unha cuestión lingüística, segundo a Policía Local de Rianxo

19 Outubro 2021

A Policía Local de Rianxo emitiu un comunicado para expresar o seu punto de vista sobre a proposta de sanción de 600 euros achegada pola Delegación do Goberno de España en Galicia a un cidadán que reclamou o seu dereito a ser atendido en galego durante un cribado celebrado no devandito concello, feitos nos que segundo informou A Mesa pola Normalización Lingüística, tiveron que intervir os axentes locais. No seu comunicado, a Policía de Rianxo fai saber que a súa intervención produciuse a requirimento do persoal do SERGAS e de Protección Civil, “que comunicaron a presenza dunha persoa alterando o normal funcionamento tanto do cribado como do servizo de urxencias desta localidade ata o punto de paralizar totalmente o servizo do Centro de Saúde”. Os axentes engaden que “tras presentarse unha dotación do corpo no lugar, o denunciado mantivo cos actuantes unha actitude altiva, desprezativa e faltando ao respecto e consideración debida ós policías, feito polo cal foi proposto para sanción por incumprimento do establecido na Lei 4/2015 de protección da Seguridade Cidadá”.

No comunicado, a Policía Local engade que “en ningún momento da intervención policial a causa da mesma nin da proposta de sanción foi o idioma empregado, non se instou, coaccionou, nin sequera se indicou o modo ou maneira de expresarse a ninguén toda vez que o idioma empregado na Policía Local de Rianxo é o galego, os actuantes como todo o equipo policial son galego- falantes, e este corpo oficial foi pioneiro en Galicia no emprego do galego para a confección de documentación, tramitación da mesma e relación coas outras administracións dende o ano 1994 feito este, entre outros polo cal se lle concedeu ó Concello de Rianxo o Premio Lois Peña Novo do ano 2003 polo traballo en prol do emprego do galego nas administración públicas”.

Dende a Policía Local de Rianxo instan “á Mesa pola Normalización Lingüística a que emita información veraz en relación coa causa directa da presunta sanción (falta de respecto e consideración a axentes da autoridade no exercicio das súas funcións) e non tente terxiversar ante a opinión pública a orixe real da sanción para a que foi proposto o denunciado”.

En relación tamén co contido da nota de prensa relativo a que A Mesa, a través da Liña do Galego, xa se dirixiu á delegación do Goberno, instándoa a “suspender o procedemento contra o cidadán e a abrir dilixencias contra os policías.” sinalar que a día de hoxe “non constan actuacións nin disciplinarias nin xudiciais contra os axentes actuantes nin contra ningún membro deste corpo, que actúan sempre baixo o respecto escrupuloso dos dereitos dos cidadáns”.

Outros artigos

Arrincan as Festas de Taragoña con tres xornadas de troula intensa

Estes xoves 18 comezan na nosa comarca unha manchea de celebracións. Por exemplo as Festas de Taragoña (Rianxo), organizadas pola Comisión de Festas. Arrincan este xoves coas 21 bombas de palenque e con ruadas a cargo de Os Pequenos do Barbansa e Trécola Tradicional....

+

O 24 de xullo abre as súas portas a Feira do Libro de Rianxo

A Feira do Libro de Rianxo vai celebrar a súa edición 2024 entre o 24 e o 27 de xullo, novamente no Campo de Arriba de Rianxo. Horario: 12.00 - 14.00 horas // 18.30 - 22.30 horas. Fin de semana e festivos peche pola mañá ás 14.30 horas. Organizan a Xunta, a Federación...

+

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...