A Policía Nacional de Ribeira, en relación á malleira acontecida a fin de semana pasada no barrio de Bandourrío, da que informamos en O Barbanza, vén de confirmar a detención de tres individuos “por un delito de lesións”. Trátase de tres varóns con idades comprendidas entre os 19 e os 21 anos, veciños de Ribeira.
A Policía Nacional levou a cabo estes días “unha laboriosa e ardua investigación” que rematou, finalmente, coa detención dos ditos mozos, presuntos autores, o pasado día 26 de setembro do presente ano, de agredir de madrugada a outro mozo na zona de lecer do barrio de Bandorrio, causándolle lesións de especial consideración polas que tivo que ser asistido de urxencia no Hospital Universitario de Santiago de Compostela.
Tras tramitarse as correspondentes dilixencias policiais, os detidos ponse a disposición do Xulgado de Instrución número Uno de Ribeira, en funcións de garda.