A expulsión de Juan condenou ao Boiro contra o Sigüeiro (0-1)


O Boiro segue sen coñecer a vitoria en Barraña. Unha expulsión do porteiro Juan lastrou todas as aspiracións dos boirenses fronte ao Sigüeiro. O conxunto santiagués levouse os tres puntos grazas a un tanto de Diego Fuentes nun contragolpe que foi suficiente para deixar máis tocado aínda ao Boiro.
Con todo isto, o Boiro saíu valente e dominador. Pero un balón á espalda da defensa provocou que Juan forzara a súa saída e terminara golpeando a Diego Fuentes. Falta, cartón vermello e os de Barraña con 10. Luis Carro, obrigado, moveu o banquillo e sacrificou ao xuvenil Mario para dar entrada a Lois baixo paus.
A pesar de estar cun home menos, os locais foron quenes puxeron as oportunidades, pero nin Piñeiro, que estrelou seu remate no traveseiro, e Felipe que non superou a Ale, foron capaces de adiantar aos seus antes do descanso ao que se chegaría co resultado gafas.
Nos segundos 45 minutos os boirenses seguiron ben platados e organizados sobre o verde.
Pero un córner a favor do Boiro rematou nun contragolpe perfectamente ben trenzado que serviría para que Diego Fuentes apuntillara co 0-1 a un Boiro que segue sen carburar neste inicio ligueiro.
Con este resultado os boirenses sitúanse na parte baixa da táboa con 5 puntos. A vindeira xornada visitarán ao Pino, que marcha segundo nesta Preferente.