A mostra itinerante da Asociación Agadea, Retratando en Prata, xa se pode visitar no concello de Ribeira. Exposición está composta por unha recompilación de 33 retratos de usuarios e coidadores profesionais desta asociación. 22 deles, están inspirados en residentes do Centro de día de Alzhéimer de Ribeira.
A 1º tenente alcalde, María Sampedro, convidou á veciñanza a visitar a mostra e agradeceu a Agadea o labor levado a cabo cos veciños do concello que son usuarios do centro.
Retratando en Prata nace dun colectivo de 76 artistas de distintas zonas de España. A impulsora do proxecto e unha das autoras, Nanda Cabaleiro, asegurou que a idea xurdiu durante a pandemia, co obxectivo de retratar ás persoas máis afectadas pola crise do coronavirus. Cada retrato dos expostos no concello foi realizado por un artista diferente.
Isabel Gey, presidenta de Agadea sinalou que entre retratista e retratado créase un vínculo especial e que moitos dos artistas están desexando coñecer ós usuarios ós que pintaron.
Unha vez rematado o percorrido desta exposición, que tras pasar por Ribeira, chegará a Estrada, as persoas retratadas recibirán como agasallo as obras orixinais por desexo dos autores.
