A recta final de setembro en Rianxo será un fervedoiro de actividades culturais. Este 30 de setembro, sen ir máis lonxe, celebrarase a primeira cita actual do ciclo Xoves da Biblioteca, na Biblioteca Municipal, e farao da man de Pablísimo (Pablo Sánchez) e o seu contacontos O arquivo do Chivo, un espectáculo para crianzas de máis de 4 anos anos.
As entradas son gratuítas, previa reserva de localidades no correo biblioteca@concelloderianxo.gal (preferente) ou no teléfono 667 185 581 ata as 20.00 horas do mércores 29 de setembro.
A reserva será efectiva cando se confirme dende a Biblioteca Bunicipal de Rianxo.
Segundo detalla a produtora Urdime, O Arquivo do Chibo é unha fabulación libre arredor do conto clásico de Os 7 cabuxos e o lobo. A través desta revisitación, atoparemos cantigas de lobos esfameados, fábulas de carneiros teimudos e a historia de sete cabuxiños desobedientes.
