O grupo socialista de Ribeira vén de presentar un rogo relativo ao estado no que se atopa a confluencia da rúa Correos coa rúa Marcial de Adalid, onde existe un espazo verde que está a ser utilizado de depósito de lixo e vulnerado cun aporte continuo de botellas, plásticos varios, latas conserva ou tapers, “desperdicios de variada índole que afean o lugar e desprenden cheiros que afectan aos viandantes habituais desta zona do centro urbano de Ribeira”, sinala a agrupación.
O PSOE tamén o foco nas pintadas dos edificios circundantes, pintadas que son extensíbeis a outras zonas do centro de Ribeira (rúa Otero Pedrayo, praza dos Mariñeiros, etc) e que cómpre eliminar para non seguir prexudicando a imaxe de Ribeira, comentan. O PSOE require que “por parte de quen corresponda se dea orde da retirada do lixo amoreado na rúa de Correos e se proceda á limpeza do espazo verde para eliminar este foco pestilente”. Asemade, solicitan que se efectúe o borrado das pintadas “que tanto afean a nosa cidade”.
