O Mago Antón vai visitar Boiro este sábado 11 de setembro, ao abeiro do programa Verán Cultural 2021 impulsado polo Concello. Farao co espectáculo A Volta a Galicia en 313 concellos. As funcións serán entre as 12.00 e as 23.00 horas, na praza de Galicia. O aforamento, por mor da COVID, será novamente limitado. A reserva de entradas deberá facerse no propio lugar do espectáculo antes de cada función.
O espectáculo
A visita a Boiro do mago Antón encádrase nunha xira emprendida en 2018: unha nova aventura no magomobil coa idea de achegar a maxia a todos os concellos de Galicia.
O magomobil é un vehiculo deseñado para a presentación de espectáculos de maxia. Inclúe diferentes funcións en horario de mañá e tarde, todas elas de arredor de 45 minutos e dirixidas a todo tipo de público (de todas as idades e moi axeitado para grupos familiares: netos, pais avós..), nas que se suceden a un ritmo trepidante unha ducia de xogos de maxia, todos eles de creación propia do Mago Antón.