O Concello de Boiro ofrece formación nas materias de Operacións básicas de cociña e Operacións básicas de restaurante e bar de nivel 1. Estes actividades corresponden ao plan de Accións Formativas para Desempregados (AFD) que se vai desenvolver mediante unha subvención ao abeiro do plan local polo emprego. Os dous cursos son de nivel 1 e están dirixidos a persoas traballadoras desempregadas.
A formación inclúe módulos transversais para a inserción laboral, a sensibilización ambiental e a igualdade de xénero e tamén sobre a igualdade de oportunidades entre homes e mulleres. O curso inclúe un módulo de prácticas profesionais non laborais en empresas.
O 22 de outubro comeza o curso para acadar o certificado de profesionalidade en Operacións básicas de cociña, de 368 horas de duración e no que poden participar un máximo de 15 alumnos e alumnas. Para participar, as persoas interesadas deben inscribirse como demandantes de emprego no Servizo Público de Emprego de Galicia.
O Concello de Boiro ofrece esta oferta formativa ao abeiro dunha subvención da Consellería de Emprego e Igualdade da Xunta de Galicia. Toda a información sobre os cursos AFD que ofrece o Concello de Boiro no departamento de Orientación Laboral, de xeito presencial na Casa Consistorial, a través do enderezo electrónico orientacion.laboral@boiro.org ou no teléfono 981 84 26 09.
