O Centro de Inserción Social Carmela Arias y Díaz de Rábago, distingue a Ribeira durante a festividade da Merced

O Concello de Ribeira foi unha das entidades distinguidas polo Centro de Inserción Social Carmela Arias y Díaz de Rábago no transcurso dun acto celebrado esta mañá na cidade da Coruña coincidindo coa festividade da Merced, patroa das institucións penitenciarias.
O motivo da distinción reside na colaboración municipal para a prestación de servizos á comunidde por parte de penados: un traballo que está sendo coordinado dende os Servizos Sociais Comunitarios estreitamente co GAEM.
Recibiu o obsequio e o diploma acreditativos a concelleira de Servizos Sociais, Ana Barreiro. Participaron entre outros no acto a subdelegada do Goberno na Coruña, María Rivas; o delegado territorial da Xunta, Gonzalo Trenor; e Miguel Ángel Rodríguez como director do centro de inserción social.