Nesta recta final do verán a área de Deportes do Concello de Noia impulsou unha serie de traballos de mantemento para a posta a punto do Campo de Fútbol Municipal Julio Mato, de cara a preparalo e acondicionalo para o comezo da tempada que se aveciña.
A área de Deportes fixo saber que entre as tarefas desenvolvidas incluíuse o cortado do céspede, o sulfatado e o abonado do mesmo, o posterior escarificado, un novo proceso de sementeira e máis o recebado do campo. A instalación, logo destes traballos, “xa está lista para recibir aos rivais do CF Noia nesta nova tempada”, sinalou o Concello.