Este xoves 30 de setembro ás 12h a ANPA do IES da Pobra fará entrega no rexistro do Consistorio das sinaturas recollidas en contra dos recortes do profesorado sufridos este curso, inadmisíbeis para a comunidade do dito centro educativo, tal e como vimos informando ao longo desta semana dende este medio.
Os múltiples apoios recollidos serán enviados á Consellaría de Educación. Para acompañar ao acto de entrega das sinaturas a ANPA convoca unha concentración na praza de en fronte ao Concello a esa mesma hora, 12 da mañá.
