O Intecmar decretou esta tarde o peche cautelar dos bancos marisqueiros de Noia despois de analizar as probas tomadas na ría e ante as previsións de aumento da presenza de biotoxinas na auga. O inicio da campaña estaba previsto para este luns 20 de setembro.
O ascenso dos niveis nos últimos días da marea vermella afectou ao sector marisqueiro das ríaas estas últimas semanas, sobre todo a de Arousa. A iso unense as condicións meteorolóxicas que contribuíron a unha perda enorme de cría de berberecho.
Fontes da Confradía de Noia estiman que case un 50 % da cría de berberecho morreu durante este inverno. A pesar da alta mortalidade, as reservas de bivalvo de talla comercial puideron manterse. Non foi así coa ameixa xapónica e babosa. Como consecuencia o Intecmar informou esta mesma tarde do peche cautelar dos bancos da ría de Noia.
