Celebrada este pasado sábado en augas de Arousa e organizada polo Club Náutico Arousa Norte,
dábase a saída puntual (14:00h) conxuntamente para as tres clases preto do peirao comercial de Pobra,
cun percorrido aproximado dunhas 12 millas para os Regata e Crucero/Regata, e dunhas 8
millas para os cruceiros. Cun vento do sur/suroeste de entre 8 e 10 nós de intensidade, a flota
tomaba a baliza de desmarque para poñer rumbo cara á illa de Rúa, onde os cruceiros viraban e
regresaban a Pobra, e as demais clases seguían ata o sinal do Castro (Aguíño).
Na clase regata, desde o pistoletazo de saída víronse duelos espectaculares, o Santanas de José M.
Millán (CN VILAGARCIA) e o Chispetren de Jesús Iglesias (CN AROUSA NORTE) alternábanse nos
postos de cabeza durante toda a regata, ata que xa no último paso obrigado (Faro Ostrería), o de Vilagarcía
perdeu toda opción de alcanzar o triunfo ao ter que retirarse por un problema técnico.
Na clase cruceiro/regata, outro duelo entre pobrenses e vilagarciáns viviuse nesta clase, así o Camping
Ria de Arosa (José M. Pombar) e o Fixius (Miguel Pérez- Lafuente) distanciábanse dos seus rivais.
O barco pobrense protagonizaba unha espectacular regata poñendo en xaque ata aos barcos de regata
e superando ao seu máximo rival na liña de chegada en máis de 4 minutos.
Na clase cruceiro, o Orlando de Gerardo Sánchez (CN. AROUSA NORTE), o Galopín de Manuel Franco
(CN RIBEIRA) e o Piko Norte de José M. Castro (CN Boiro) pelexáronse durante toda a regata nunha
pugna que se resolveu por escasamente 1 minuto de diferenza entre as 3 embarcacións tras case 2
horas de regata. O barco ribeirense lideraba na cinguida cara a Rúa, pero foi superado polo Orlando na
popa por escasos segundos.
Os ganadores desta III Regata Alca se dilucidarán nas próximas datas, 23.10 e 06.11.
Clasificación Proba 2 (25.09.21)
ORC A (Clase Regata): 1º Chispetrén; 2º Mus; 3º Alpha.
ORC B (Clase Cruceiro/Regata): 1º Camping Ria de Arosa; 2º Fixius; 3º Sempre Volve.
ORC C (Clase Cruceiro): 1º Orlando; 2º Galopín; 3º Piko Norte.
Clasificación xeral provisional
ORC A (Clase Regata): Chispetrén 2 pts; Mus 4 pts; Alpha 6 pts; Santana’s 12 pts; Corsario 12 pts.
ORC B (Clase Cruceiro/Regata): Piolín 6 pts; Sempre Volve 7 pts; Camping Ría de Arosa 8 pts; Fixius 9 pts;
Truhán 9pts; A Píllara 10 pts.
ORC C (Clase Cruceiro): Orlando 2 pts; Galopín 4 pts; Piko Norte 6 pts; Thor II 9 pts.
