Homenaxe ao Club Kempo Pobra polos logros acadados

25 Setembro 2021

O Club Kempo Pobra recibiu unha homenaxe na tarde deste 24 de setembro nun acto que transcorreu no teatro cine Elma, ao que asistiron os e as deportistas que integran esta entidade, arroupados polos seus familiares e membros da
corporación municipal.
O club acadou neste 2021 numerosas distincións, das que deu conta Miguel Pérez, en representación da referida entidade deportiva, quen estivo acompañado no escenario dalgúns dos deportistas. Algúns exemplos son os resultados do Campionato Galego de Grappling, do Campionato de España de Grappling e Grappling GI, ou do Campionato de España de Clubes de Kempo. Tamén destacan os recoñecementos a Álex Pérez, que conseguiu a posición de deportista de alto nivel en kempo de Galicia, e a Adrián Pego Rey, elixido para ir coa selección española ao
Mundial. Así mesmo, o Club Kempo Pobra quedou como terceiro mellor equipo no Campionato de España de Clubes.
A concelleira dos Deportes, Genoveva Hermo, felicitounos por tódolos resultados obtidos. Neste senso, quixo salientar o afán de superación que os leva cara o éxito e que se traduce en alegrías para toda A Pobra. O alcalde, Xosé Lois Piñeiro, sumouse a estas palabras e manifestou que, de seguro, continuarán chegando boas novas, poñendo xa a vista en próximas citas deportivas nas que participará o club.
Deseguido, procedeuse a amosar o dummy co que o Concello agasalla á sociedade deportiva e realizouse unha breve demostración de como se utiliza este equipamento nos adestramentos. Finalmente, deportistas e membros da corporación fixéronse unha foto de familia no exterior do Elma.

Outros artigos

Publicidade

Revista en papel

Opinión

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...