A empresa ribeirense FRINSA, unha das maiores fabricantes europeas de túnidos e mariscos en conserva, fundada en Ribeira en 1961, por Joaquín Otero, Manuel Iglesias Corral e o Banco da Coruña e actualmente propiedade de Ramiro Carregal Rey, expande a súa influencia a faise co 75 % de “Exportadora de Conservas”, matriz da terceira maior conserveira do país veciño: A Poveira.
A operación mediante a que adquiriu o 25 % complementa á que xa realizase en 2019 cando se fixo co 50 % da compañía lusa, naquel momento formalizou unha opción de compra sobre o 25 % restante que, aínda que vencería aínda no ano 2023, acaba de ser executada.
Ao lograr a maioría das accións, o grupo ribeirense FRINSA, toma o control das dúas fábricas que Exportadora de Conservas ten no país veciño: unha en Póvoa do Varzim (A Poveira, que foi obxecto dun importante investimento en 2013 para a modernización das súas instalacións) e outra en Matosinhos (A Góndola, unha das marcas que comercializa FRINSA a través da Poveira, reforzándose no mercado premium da conserva de sardiña).
Con esta adquisición fortalece o seu mercado no país veciño e accede a importantes cadeas de distribución ás que prové a firma lusa, entre elas Jerónimo Martins, un forte operador do sector alimentario alí e con gran presenza en países como Polonia e Colombia.
