Este luns, 27 de setembro, vai desenvolverse en formato híbrido (presencial e por videoconferencia) a primeira xornada da “VIII Conferencia Internacional ARVI sobre o futuro da Pesca”, que nesta edición vai centrarse na “Pesca Europea diante o Level Playing Field”. Desenvolverase esta xornada na sede de ARVI (Porto Pesqueiro de Vigo, edificio “Ramiro Gordejuela”), a partir das 16:00 horas, coa participación do alcalde de Vigo, Abel Caballero Álvarez; o presidente da Autoridade Portuaria, Jesús Vázquez Almuiña; o director xeral de Ordenación Pesqueira e Acuicultura, Ignacio Gandarias Serrano, e o presidente de ARVI, Javier Touza Touza. O asunto a tratar será “A importancia do Level Playing Field para a pesca europea”.
A segunda xornada será o martes, 28, a partir das 09,30 horas, e o panel “O etiquetado e as certificacións na pesca do futuro: Como facer partícipe ao consumidor no Level Playing Field”.
