Este venres 17 de setembro temos unha cita cos nosos libros en Boiro e coas súas figuras máis representativas. Será da man do Mago Teto, no auditorio da Casa da Cultura, a partir das 20.00 horas. Trátase dun espectáculo que tira proveito da máis que interesante confluencia entre literatura e maxia.
Máis en concreto, As Nosas Letras é unha homenaxe á cultura, á tradición e ás costumes galegas a partir dunha escolma de destacadas pezas da literatura galega.
Segundo avanza o propio Mago Tego, “veremos neste espectáculo marabillosas maxias que nos van a espertar o coñecemento histórico e contemporáneo do galego, levaremos a escena a recomposición das cantigas de Afonso X, descubriremos unha incríbel espada enmeigada de Merlín e Familia, o espírito do mestre Castelao fará aparecer un dos seus debuxos no espectáculo, e faremos adiviñación semántica con obras de Risco, Rosalía e Blanco Amor”.
Segundo informa o Concello de Boiro, o aforamento do espectáculo será limitado por mor da COVI-19. A reserva de entradas poderá facerse a través da web municipal.
