Unha persoa foi trasladada, esta mañá, logo de caer da bicicleta no Río Arlés, en Ribeira.
Os servizos sanitarios informaban ao 112 Galicia, minutos despois das doce, de que acababan de sacar da auga a unha persoa que caera dende o paseo fluvial do Río Artes, na localidade de Ribeira, e precisaban axuda para movela.
Así, desde o CIAE 112 Galicia informouse aos Bombeiros de Ribeira, á Policía Local, á Policía Nacional e a Protección Civil de Ribeira.
Ao chegar ao punto, os equipos de emerxencia confirmaron que a muller, que ía en bicicleta por unha ponte, caera ao río pero, afortunadamente, nun sitio no que apenas había auga. Finalmente, confirmaron que a ferida fora evacuada en ambulancia ao centro hospitalario de referencia.
