O Concello de Noia vén de publicar no taboleiro de anuncios municipal e máis na súa sede electrónica a resolución provisional para a adquisición de libros de texto e material didáctico e para o financiamento do servizo de comedor escolar, resolución relativa ao curso 2021/2022.
Segundo informa o Concello, as persoas solicitantes que queiran realizar algunha alegación teñen un prazo máximo de 5 días, contando con que a publicación realizouse este mércores 15 de setembro.
Para acceder á resolución provisional teremos que entrar na ligazón da sede electrónica e deslizar até a parte de abaixo ata que apareza o taboleiro de anuncios, ou ben premendo na ligazón da resolución.