O Concello de Boiro hoxe o prazo para inscribirse nas actividades das Escolas Deportivas Municipais que se organizan dende o Departamento de Deportes e chegan este ano á súa XXIX edición. O concelleiro de Deportes, Marcos Fajardo, e o técnico do departamento, Manuel González, falaron máis polo miúdo das actividades que se ofertan.
As Escolas Deportivas Municipais do Concello de Boiro engloban programas deportivos para persoas adultas e tamén infantís e xuvenís, así como competicións deportivas en distintas modalidades. Entre as actividades para infantil e xuvenil están tenis, ciclismo, atletismo, voleibol, xadrez, remo, piragüismo, vela, golf, patinaxe, baloncesto, natación ou tríatlon.
A oferta de actividades para persoas adultas inclúe ximnasia para persoas xubiladas, bailes de salón, tenis ou o proxecto Boiro Actívate. Ademais das actividades propias das escolas, o Concello de Boiro colabora na organización de competicións deportivas durante a tempada como son ligas de fútbol nas distintas categorías, minibasket, voleibol, ciclismo, tenis, bolos tradicionais, entre outras.
A celebración das actividades está suxeita ás restricións específicas en materia de sanidade decretadas polas autoridades sanitarias como consecuencia da situación epidemiolóxica. Toda a información sobre as Escolas Deportivas Municipais de xeito presencial no Departamento de Deportes, situado na Casa da Cultura de Boiro, a través o teléfono 981 84 84 25 ou o enderezo electrónico deportes@boiro.org.O Concello de Boiro, para a celebración destas actividades, recibe unha subvención da Deputación da Coruña para o mantemento de persoal técnico nos servizos municipais de deporte para a dinamización deportiva no termo municipal e garantir o desenvolvemento de programas de carácter estable nos concellos. Mediante esta aportación económica provincial o Concello e Boiro pode levar a cabo, cada ano, programas deportivos como son a XXIX edición das Escolas Deportivas Municipais.