Este xoves 9 de setembro comezará unha nova edición do servizo Lousame Concilia, que se desenvolverá todos os días lectivos no CPI Plurilingüe Cernadas de Castro, en horario de 7:30 a 9:00 horas, e con todas as medidas de prevención fronte á COVID-19. O Concello informa de que, rematado o prazo de inscrición, aínda quedan prazas dispoñíbeis para aquelas familias que precisen deste servizo de xeito puntual ou continuo.
Para acceder a este servizo de xeito puntual as persoas interesadas só teñen que dirixirse á Concellería de Igualdade, no 981 820 494. Lousame Concilia” é un programa de conciliación da vida laboral e familiar posto en marcha polo Concello de Lousame e que conta coa colaboración da Consellería de Emprego e a Secretaría Xeral de Igualdade.
