Pouco antes das catro desta tarde a localidade ribeirense de Aguiño foi escenario dun aparatoso accidente provocado por un condutor que se deu á fuga.
O coche que conducía, da marca Volkswagen e de cor granate saíuse da vía levándose por diante un poste do tendido eléctrico.
O sinistro produciuse na rúa Francisco Lorenzo Mariño ao redor das 15.50 horas e debido ao forte impacto o poste foi arrincado de raíz e quedou tendido sobre a beirarrúa. Coa descrición facilitada trátase de localizar ao causante do accidente que causou cuantiosos danos materiais.
