Reforzar a seguridade na zona é o obxectivo da fragata brasileira desprazada ao golfo de Guinea onde a persistente inestabilidade e o desexo de influencia estratéxica están a atraer a novos actores na zona. A mariña brasileira despregou por primeira vez unha fragata, a Independencia, no marco da OPERACIÓN GUINEX-1.
É unha nova oportunidade de interactuación coas armadas locais e pór en práctica a diplomacia naval de Brasilia, cuxo navío tamén interactuo en agosto pasado coa base expedicionaria móbil da mariña dos Estados Unidos, o USS Hershel “Woody” Williams, o único barco permanentemente asignado ao Mando de África dos Estados Unidos e cuxo despregamento na zona marca o renovado interese de Washington. Nos últimos cinco anos, a Mariña estadounidense mandou cinco dos seus buques á zona.
Pola súa banda a mariña italiana mandou o 3 de setembro un dos seus FREMM, o Marceglia, ao menos ata decembro, á operación nacional Gabinia, de loita contra a piratería. O primeiro FREMM italiano despregouse en abril do ano pasado, o que reflicte o novo interese de Roma no Golfo guineano, con rápidos resultados. O pasado mes de novembro, o Marcinengo axudou á tripulación do petroleiro Torm Alexandra, que fora atacado por piratas a 160 millas de Benín. O Golfo de Guinea é a área na que se produce actualmente o maior número de secuestros de barcos. En 2020 rexistrouse un aumento do 24% na cantidade de intentos e ataques efectivos de piratas no mundo, en comparanza co ano anterior. Os ataques no Golfo de Guinea ten un efecto na economía estimado en máis de 800 millóns de dólares estadounidenses.
Son numerosos os mariñeiros galegos que forman parte das tripulacións de buques que navegan a cotío polas augas do Golfo de Guinea.