Este 6 de setembro a actividade Fai clic ao teu bocata vai recalar no concello de Dodro. Será ás 11 horas na Lavandeira de Imo. Trátase dun espectáculo dirixido a nenas e nenos de entre 3 e 12 anos. As inscricións xa poden facerse (de balde, até este 2 de setembro) chamando ao 981 802 466 en horario de 9 a 14 horas.
Fai clic ao teu bocata é unha actividade impulsada pola patronal conserveira galega (ANFACO-CECOPESCA) e a Xunta de Galicia (Consellería do Mar) a través da cal ofrécese formación lúdica acerca do valor nutritivo e culinaria das nosas conversas. Inclúe unha charla divulgativa, dinámica e participativa con preguntas aos participantes sobre alimentación e os produtos do mar e a proxección dun vídeo animado da campaña.
Tamén acubilla unha demostración sobre como elaborar bocatas con conservas galegas. A sesión remata cun xogo científico onde os rapaces e rapazas terán que demostrar o aprendido previamente.