A arte ecolóxica de Amicos estará no Auditorio de Rianxo até o 14 de setembro

03 Setembro 2021

A asociación comarcal Amicos, centrada en derrubar dende os nosos concellos todo tipo de obstáculos á inclusión dos colectivos con diversidades funcionais e cognitivas, organizou estes días unha exposición de arte reciclada no Auditorio de Rianxo. Inaugurouse este 27 de agosto e ficará aberta até o 14 de setembro. A mostra, amais do valor artístico das pezas elaboradas polos membros de Amicos con material de refugallo atopado principalmente nas nosas praias, atesoura (e reivindica) unha importante mensaxe ambiental: cómpre poñerse mans á obra para poñer freo ao proceso de degradación do noso medio mariño.

Un intre do acto de inauguración da mostra de Amicos no Auditorio de Rianxo

A exposición, que ten fortes vencellos temáticos coa cultura xacobea e o Camiño de Santiago, busca transformar residuos como o papel, o cartón, a madeira, o cristal, os plásticos, os metais ou o caucho en obras de arte. De feito, os materiais que se usaron forman parte das distintas batidas de limpeza de praias que levo a cabo nos últimos meses a nosa entidade na comarca do Barbanza. As principais características deste estilo é que non se cingue a ningunha disciplina, se non que se ve representado en todas elas. Podemos atopar arte reciclada nun cadro, nunha escultura etc.

Obradoiros participativos

De xeito parello á exposición de arte reciclada da Asociación Amicos a entidade organizou uns obradoiros creativos con material de refugallo, de curta duración (1 hora) dirixidos e neno/as e mozos de entre 4 a 16 anos (grupos reducidos e organizados por idades). Celebraranse o martes día 7 e o mércores día 8. Trátase dunha actividade de inclusión onde participarán tamén usuarios/as da Asociación Amicos a modo de colaboradores/as. Inscricións e mais información no correo hola@amicos.org.

Outros artigos

Fallados os galardoados do XV Premio Internacional de Gravado Atlante

Participan no fallo do xurado, 260 obras de 175 participantes a nivel internacional, procedentes de países como Alemania, Arxentina, Brasil, Chile, España, Estados Unidos, Puerto Rico, Uruguay, México, Perú,Cuba, Francia, Rusia, Canadá, Italia, Portugal, Tailandia,...

+

Este venres comezan as Festas da Virxe do Carme de Rianxo

Este venres 12 de xullo comezan as Festas da Virxe Do Carme de Rianxo, que ofrecen a residentes e visitantes cinco completas xornadas de celebracións festivas con todo tipo de actividades. A axenda comeza este venres co festival RianClown a partir das 20.30 horas e co...

+

Publicidade

Revista en papel

Opinión

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...