Un practicante de wíndsurf tivo que ser rescatado na Illa de Arousa ante a dificultade de alcanzar a beira.
Ao lugar acudiu a embarcación Salvamar Sargadelos de Salvamento Marítimo para axudar ao varón que se atopaba en bo estado de saúde e non necesitou asistencia sanitaria.
Ás 17:00 horas de hoxe, o 112 Galicia recibiu a chamada dun particular que informaba dunha persoa nunha táboa de wíndsurf con dificultades para volver ao areal por culpa da intensidade do vento. Decontado, púxose en marcha un operativo que, ademais dos membros de Salvamento Marítimo, contou coa colaboración do Servizo de Gardacostas de Galicia e dos axentes da Garda Civil.
Unha vez na embarcación, o equipo de rescate confirmou ao 112 que o deportista atopábase ben e que o puideron levar en seguridade ata a praia.
Desde o 112 Galicia tamén se pasou aviso aos efectivos de Protección Civil do Grove por se fose necesaria a súa intervención.
