Un simulacro pesqueiro conmemorou 30 anos en Galicia do Helimer

28 Agosto 2021

O porto da Coruña acolleu este sábado un exercicio de exhibición de rescate en augas portuarias a cargo do Helimer. Foi o segundo dunha das actividades principais da conmemoración do 30 aniversario da designación da base coruñesa do helicóptero de rescate que, a finais do verán de 1991, era destinado ao aeroporto de Alvedro para abordar as emerxencias da costa galega.
Actualmente o persoal dos dous Helimer xemelgos que operan na base coruñesa está formada por 50 persoas, entre pilotos, rescatadores, operadores de guindastre e mecánicos.

Luaces

O obxectivo desta conmemoración foi dar a coñecer o labor fundamental desenvolvido por Helimer e polos efectivos de Salvamento Marítimo, que ao longo do últimas tres décadas realizaron 12.000 horas de voo en emerxencias e rescatado a unhas 1.200 persoas.

O exercicio de rescate desenvolveuse na zona de augas portuarias próxima ao paseo marítimo da Coruña, entre o Parrote e o Castelo de San Antón. Consistiu na evacuación por vía aérea dun tripulante que estabá a bordo do buque de salvamento ‘Salvamar Betelgeuse’.

O Helimer 401 posicionarase en voo estático sobre a embarcación e un dos seus rescatadores baixará a rescatar á vítima, para volver ao helicóptero á finalización do simulacro e finalmente regresar ao aeroporto de Alvedro. Ademais, durante o exercicio o avión de patrulla con base en Santiago Sasemar 102 realizará un voo 360 sobre a cidade.

No mesmo colaboraron o Centro Local de Salvamento Marítimo, o Centro de Control de Servizos e Emerxencias do Porto da Coruña, a Policía Portuaria, o servizo 112 e a Policía Local, que participaron nos labores de información e coordinación da operación.

Outros artigos

Arousa maniféstase este mércores en defensa da ría

Está previsto que o Artic Sunrise enfile a boca da ría cara ás catro da tarde, para internarse nas súas augas e alcanzar A Illa ás cinco. Está previsto que o resto das embarcacións vaian uníndose ao rompexeos a medida que este navegue cara ao porto de Vilagarcía, onde...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...