O Concello vai facer entrega da Medalla de Ouro de Ribeira ao parataekwondista Álex Vidal Álvarez nun evento público que terá lugar na tarde deste mércores 4 de agosto e que servirá tamén de acto de despedida do
tricampión do mundo na véspera do seu viaxe a Tokio para competir nos Xogos Paralímpicos.
Dadas as previsións meteorolóxicas, o evento desenvolverase baixo teito na carpa multiusos situada na rúa Canarias fronte o mercado municipal. Comezará ás 19.30 horas e o aforo será limitado conforme aos protocolos anticovid.
Álex Vidal recibirá a medalla de ouro que lle fora outorgada en virtude de acordo unánime da Corporación no último pleno ordinario da pasada lexislatura.
Está previsto que o loitador de Castiñeiras combata na madrugada do 1 ao 2 de setembro no centro de convencións Makuhari Messe, situado na prefectura de Chiba.
