Preservar e dar a coñecer a historia da industria galega vencellada coa salga da sardiña algo necesario

20 Agosto 2021

A conselleira do Mar, Rosa Quintana, asistiu hoxe a unha demostración do proceso de salgadura realizada no Almacén de Lanuxe -unha fábrica de salga de 1803 do concello do Grove que foi restaurada- co obxectivo de dar a coñecer a veciños e visitantes como era no século XIX o proceso de salgadura para conservar a sardiña. Esta acción, promovida pola Asociación de Amigos das Salgadeiras de Moureiras coa colaboración do Círculo Cultural de Sanxenxo, contribúe a preservar a cultura mariñeira de Galicia e a dar a coñecer o legado das catro fábricas de salga que funcionaron en punta Moreiras arredor de 1800. Faino mediante a recreación do método de conservación da sardiña en salmoira polo sistema catalán, o precursor da actual actividade conserveira.

O proceso de demostración da salgadura comezou xa o pasado 5 de agosto coa introdución da sardiña en salmoira -o procedemento coñecido como facer a chanca- e continuou hoxe coa denominada carga do morto, a retirada do peixe para lavalo e colocalo nos tabais onde é prensado para pasar unha noite antes de poder ser consumido. Esta é unha mostra máis da historia dos mariñeiros galegos e da industria asociada á pesca e un importante reclamo turístico e cultural para veciños e visitantes. Trátase de expresións da cultura mariñeira de Galicia que a Xunta aspira a protexer mediante a elaboración do Plan da Cultura Marítima-Horizonte 2030 ao abeiro dun convenio de colaboración asinado entre a Consellería do Mar, a Universidade da Coruña e a súa fundación.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...