O Concello de Noia e a patronal da cidade antiga, Noia Histórica, asinaron un convenio de colaboración para fortalecer a acción dinamizadora e revitalizadora da entidade e pór en marcha, neste mercado, iniciativas que contribúan a recuperar o tecido empresarial logo da adversidade da pandemia e as súas restricións.
Trátase do convenio de maior contía asinado ata agora, cun importe de 50.000 euros, dos que 20.000 adicaranse a optimizar o funcionamento da plataforma de venta en liña #Vadetiendas, e os restantes 30.000€ para actividades e campañas de promoción do comercio local.
