O comité de empresa da planta de tratamento e recollida de lixo de Lousame levou a cabo este domingo unha manifestación entre as localidades de Portosín e Porto do Son para defender “todos os postos de traballo da planta” e “o seu modelo de xestión”.
A manifestación –unha caravana de coches– celebrouse baixo o lema de ‘Salvemos a planta de lixo’. Fontes do comité calcularon nun milleiro ás persoas que participaron na concentración. A gran maioría foron veciños de Noia, Porto do Son, Carnota e Muros cuxos familiares e amizades “poderían perder” os seus postos de traballo no ano 2023.
A planta de reciclaxe está xestionada pola Mancomunidade Serra do Barbanza, que ten unha concesión ata o ano 2023. No comité “desconfían” de que a partir dese ano a idea sexa converter a Lousame nunha planta de transferencia, que se utilizaría para almacenar os residuos antes de trasladalos á incineradora de Sogama. Esto suponría unha “gran redución” no persoal da nave; unhas 170 persoas das que o 60% son mulleres de entre 40 e 60 anos.
Aínda que aínda non hai confirmación oficial de que este sexa o destino final da planta de Lousame, tanto os traballadores como CIG, CC. OO. e UXT manteñen que a nave de reciclaxe cumpre cos requisitos e directrices europeas en materia de tratamento e ecoloxismo.
Traballadores e sindicatos solicitaron reunións coa directiva da empresa e coa Consellería de Medio Ambiente, sen recibir resposta aínda, segundo aseguran. Aínda que non perden a calma –o feito de que sexa agosto pode “atrasar” a resposta–, teñen claro que se en setembro non reciben resposta “tomarán as medidas necesarias paraque escóitese as súas peticións”.
