Garda Civil e Policía Nacional expresan as súas condolencias pola morte dun axente de Tráfico en accidente en Catoira
Un motorista da Garda Civil faleceu na mañá deste martes nun accidente de tráfico rexistrado no termo municipal de Catoira.
Segundo informaron fontes do 112 este sinistro tivo lugar no quilómetro 4 da estrada EP-8001 ao seu paso pola zona de Dimo, en Catoira.
O 112 recibiu o aviso da Garda Civil e de Urxencias Sanitarias de Galicia-061 deste accidente. Debido a este sinistro, foi mobilizado o helicóptero medicalizado con base en Santiago, pero só puideron confirmar o falecemento no lugar.
Así mesmo, mobilizouse aos Bombeiros de Vilagarcía, ao GES de Padrón, aos membros de Protección Civil de Catoira e ao persoal de mantemento da vía. No lugar do sinistro, os medios de emerxencia só puideron confirmar o falecemento do motorista.
