A Golada recibiu aos pilotos da Real Federación Galega de Motonáutica que tomaban parte na oitava proba
do Campionato Galego Inclusivo Fibralar de Motonáutica.
Os noieses Pepe Barrio e Pilar Sarmiento postúlanse como claros favoritos ao triunfo final, que chegará no mes de outubro coa última cita, tras a que se celebre en Baiona o próximo 25 de setembro.
A da Golada foi o seu sexto triunfo parcial, tras os éxitos cultivados en Portosín, Outes, Ares, Goián e Bouzas, en Vigo. Tan só as mangas disputadas en Cabo de Cruz – Boiro e a ourensá de Castrelo de Miño foron para os vigueses José Luís Álvarez e Oswaldo Davila. Profeta na súa terra foi o segundo clasificado, o agolense Alejandro Ferradás, que co seu copiloto Joaquín Barrio leváronse a prata. Terceiros foron os tamén noieses Joaquín Barrio Guldrís e Joaquín Barrio Bouzas.
O denominador común do podio é o que os tres banzos estiveron por baixo dos 700 puntos, sendo a clave os 615 do posto dourado, os 636 do da prata (tan só a 21 puntos) e os 668 do bronce.
O dominio do tempo medio empregado en cada manga e a destreza nas probas de habilidade seguen marcando o campionato.
