O obradoiro de cociña O Pote II vai celebra este venres de 9 a 11 horas na Escola Municipal de Hostalería no mercado municipal un Taller de competencias profesionais para a fixación de obxectivos, impartido polo docente Rafael Vázquez, economista da Fundación Ronsel.
A xornada formativa está relacionada coa materia que actualmente se está impartindo no módulo transversal de Orientación, Información profesional, Formación empresarial e Asesoramento.
Trátase de que o alumnado – traballador adquira técnicas e ferramentas orientadas a conseguir obxectivos e metas profesionais, especialmente para cando rematen a súa formación e comecen a súa andaina no mundo laboral.
O Programa de Emprego “O POTE II”, comezou o pasado 15/11/2020 e rematará o vindeiro 14/11/2021.
O POTE II é un programa mixto de emprego e formación que ten por finalidade mellorar a ocupabilidade das persoas participantes, neste caso, 15 mozos incluídos no ficheiro do sistema nacional de Garantía Xuvenil, promovido polo Concello de Ribeira, subvencionado pol a Consellería de Economía, Emprego e Industria e cofinanciado pola
Iniciativa de emprego xuvenil e o Fondo Social Europeo para o período 2014-2020.
