En Boiro o Concello e os centros docentes demandan un aumento de persoal para o alumnado con necesidades especiais

O Concello de Boiro e os centros de ensino de primaria e secundaria do municipio, demandan un aumento de persoal cualificado que poida atender as necesidades educativas especiais do alumnado no ámbito do ensino público. A Concellería de Educación realizou unha petición á Consellería de Educación para transmitir a demanda.

Back to school concept. School empty classroom, Lecture room with desks and chairs iron wood for studying lessons in highschool thailand without young student, interior of secondary education

O Concello e os centros de ensino local lembran no seu comunicado que “o alumnado con NEAE (Necesidades Específicas de Apoio Educativo) aumenta ano a ano e é elevado nos centros educativos de Boiro”, polo que “se fai necesarios que os centros de ensino dispoñan de persoal especializado e que poida atender as necesidades educativas dunha maneira axeitada, atendendo ás demandas individuais de traballo que precisan desenvolver as e os escolares con NEAE”.

E engaden: “As administracións educativas deben dispoñer dos medios necesarios para que o alumnado alcance o máximo desenvolvemento persoal, intelectual, social e emocional e tamén asegurar os recursos necesarios para aqueles escolares que requiran unha atención diferente á ordinaria por presentar necesidades educativas especiais”.

O Concello de Boiro e a comunidade educativa do municipio, composta por ANPAS e representantes dos centros , vén de solicitar a revisión e aumento do persoal cualificado que poida dar requirimiento ao devandito servizo de docencia e atención.