Costas do Estado e o Concello retiraron un vertedoiro ilegal en Outes nun espazo protexido

26 Agosto 2021

O Concello de Outes informou do remate dos traballos de limpeza e retirada dos residuos depositados nun vertedoiro ilegal situado no lugar de Espiñeiro. En concreto, a Demarcación de Costas del Estado en colaboración co Goberno local retirou varias toneladas de refugallos que ficaban depositados nun espazo que o Concello cualifica de “contorna de alto valor ambiental e ecolóxico no lugar de Espiñeiro, moi preto da Serra de Outes”. Este vertedoiro, segundo informaron fontes municipais, era un problema que levaba anos sen solución e ao que agora se lle pon fin.

O alcalde do municipio, Manuel González, agradeceu a colaboración prestada pola Demarcación de Costas de Galicia, do Ministerio de Transición Ecolóxica e Reto Demográfica, pola “súa involucración neste proxecto de preservación ambiental”. González López lembra que con “esta actuación avánzase no obxectivo de eliminarmos os vertedoiros ilegais que hai no concello e garantimos o coidado do medio natural”.

Desde o Concello de Outes informan que traballan coa Demarcación de Costas nunha proposta para poñer en valor este espazo natural pois “está inserido na rede de espazos naturais protexidos a escala da Unión Europea mediante a figura da Rede Natura 2000, coa que se pretende salvagardar os valores ambientais, hábitats, fauna e flora”.

Outros artigos

Outes organiza a xeira de fin de curso coas familias

Monicreques, contacontos, música ao vivo, espectáculos, humor circense e xantar familiar na horta do muíño. O concello de Outes organiza un ano máis a xeira de fin de curso coas familias para celebrar o período estival dos estudantes outenses a través dunha ampla...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...