O vindeiro 22 de agosto, a praza da Terceira Idade de Boiro acollerá a proxección do filme galego de ficción Sicixia, dirixido en 2016 por Ignacio Vilar en plena Costa da Morte e seguindo as pescudas, a xeito de caderno de viaxes, dun documentalista sonoro interpretado por Monti Castiñeiras e a súa guía Olalla (a quen dá vida Marta Lado), que traballa na recolleita de argazo e que terá o poder para transmitir ao protagonista o amor polas impresionantes e fermosas paraxes dos concellos da dita comarca coruñesa.
O filme proxectarase o domingo ás 21.30 horas. Haberá prazas limitadas. Poderán reservarse na web municipal dende dous días antes da función. Contarase coa presenza do director Ignacio Vilar, que responderá ás consultas sobre o filme do público e achegará detalles sobre a súa rodaxe.
